ជំងឺថ្លើមប្រភេទ A គឺជាជំងឺឆ្លងរបស់ថ្លើមដែលបង្កឡើងដោយវីរុស Hepatitis A ។ វីរុសនេះអាចបង្កការរលាកដែលប៉ះពាល់ទៅលើសមត្ថភាពបំពេញមុខងាររបស់
ថ្លើម ។
រោគសញ្ញាមួយចំនួននៃជំងឺថ្លើមប្រភេទ A ៖
រោគសញ្ញាមួយចំនួននៃជំងឺថ្លើមប្រភេទ A ៖
រោគសញ្ញាជំងឺថ្លើមប្រភេទនេះមិនបង្ហាញឱ្យឃើញភ្លាមៗពេលអ្នក
ឆ្លងនោះទេ ពោលគឺវាអូសបន្លាយដល់ ២-៣ សប្តាហ៍ ។ រោគសញ្ញារបស់វារួមមាន
៖
- អស់កម្លាំង
- ខ្ពើមឆ្អើមនិងក្អួត
- ឈឺពោះ ជាពិសេសនៅម្តុំផ្នែកខាងស្តាំក្រោមកាំជំនីរផុតរបស់អ្នក
- បាត់បង់ការឃ្លានអាហារ
- ទឹកនោមពណ៌ស្រអាប់
- ឈឺចាប់តាមសាច់ដុំ
- ស្បែកនិងភ្នែកឡើងពណ៌លឿង។
រោគសញ្ញាទាំងអស់នេះជាធម្មតាមានរយៈពេលតិចជាង ២ ខែ
តែករណីខ្លះវាអាចមានរយៈពេលវែងដល់ទៅ ៦ ខែ ។ មិនមែនគ្រប់ៗគ្នាដែលកើតជំងឺនេះសុទ្ធតែមានរោគសញ្ញានោះទេ
។
មូលហេតុនៃការកើតមានជំងឺថ្លើមប្រភេទ A ៖ វីរុសជំងឺនេះជាធម្មតាឆ្លងរាលដាលនៅពេលបុគ្គលម្នាក់លេបចូលពោះ
នូវអ្វីមួយដែលមិនស្អាតក្នុងចំនួនយ៉ាងតិចតួច ។ វាបានចូលទៅវាយប្រហារលើបណ្តាកោសិកាថ្លើមហើយបង្កឱ្យមានការរលាក។
ការរលាកអាចធ្វើឱ្យទន់ខ្សោយនូវមុខងាររបស់ថ្លើម។ កត្តាឆ្លងមានដូចជា ៖
- នៅពេលមនុស្សណាម្នាក់ផ្ទុកវីរុសនេះហុចអាហារឱ្យអ្នកទទួលទានដោយ គ្មានការលាងដៃឱ្យបានស្អាតជាមុនជាពិសេសបន្ទាប់ពីការប្រើប្រាស់ បង្គន់រួច
- ការទទួលទានទឹកមិនស្អាត
- ទទួលទានពពួកបង្កង បង្គា ក្តាមសមុទ្រឬងាវឆៅដែលយកមកពីទឹកមិនស្អាតមានកាកសំណល់សំរាម
- ទាក់ទងជិតស្និទ្ធជាមួយអ្នកឆ្លងជំងឺ (មិនទាន់បង្ហាញរោគសញ្ញា)
- រួមភេទជាមួយដៃគូមានវីរុសនេះ។
* កត្តាប្រឈមមួយចំនួន ៖
អ្នកនឹងប្រឈមនូវការឆ្លងជំងឺថ្លើមប្រភេទ A ក្នុងកម្រិតខ្ពស់ប្រសិនជា ៖
អ្នកនឹងប្រឈមនូវការឆ្លងជំងឺថ្លើមប្រភេទ A ក្នុងកម្រិតខ្ពស់ប្រសិនជា ៖
- ធ្វើដំណើរទៅកាន់ទីកន្លែងណាមួយ ឬធ្វើការនៅទីកន្លែងដែលមានអត្រាឆ្លងវីរុសនេះខ្ពស់
- ជាមនុស្សដែលចូលចិត្តរួមភេទជាមួយបុរសដូចគ្នា
- មានវីរុស HIV នៅក្នុងខ្លួន
- ប្រើប្រាស់ឱសថចាក់មិនត្រឹមត្រូវ
- រស់នៅជាមួយអ្នកមានជំងឺថ្លើមប្រភេទ A៕
ចម្លង និងកែសម្រួលបន្ថែមពី ៖
https://everyday.com.kh
No comments:
Post a Comment