ជាធម្មតាយើងម្នាក់ៗតែងចាត់ទុកពេលល្ងាចនិងយប់ជាពេលដែលខ្លួន
ត្រូវបញ្ចប់ការងារដែលសល់ពីកន្លែងធ្វើការ ពីសាលាជាដើម
ដែលធ្វើអោយមានទម្លាប់មួយគឺ
ទាល់តែបញ្ចប់វាទើបអាចដេកស្រួលហើយមិនពិបាកដល់ថ្ងៃស្អែក។
យ៉ាងណាមិញ ទម្លាប់ទាំងនេះធ្វើអោយការដេកមិនស្ងប់ស្រួល
និងប៉ះពាល់ដល់ថ្ងៃបន្ទាប់ទៅវិញទេ ប៉ុន្តែទម្លាប់ដែលលើកឡើងនេះ
អាចធ្វើអោយកម្រិតនៃការជោគជ័យនៅការងារមួយបានសម្រេចច្រើន៖
១. កម្រិតពេលដេក
ទោះបីយ៉ាងណាក្តី យើងត្រូវកំណត់ខ្លួនថាត្រូវងើបពេលណា ដេកពេលណាអោយបានទៀងទាត់ ហើយជ្រើសរើសចំនួនពេលឲ្យសមល្មមកំុឲ្យងងុយដេកពេលថ្ងៃ។
២. សរសេរកំណត់ហេតុ
អ្នកខ្លះគិតថាសរសេរជាការចំណាយពេលអត់ប្រយោជន៍ព្រោះមិនបានអ្វីមកវិញ តែត្រូវចាំថាការសរសេរវាចេញមកដូចជាការនិយាយរឿងរ៉ាវខ្លួន ប្រាប់នរណាអ៊ីចឹង ដូច្នេះបើសរសេរវាទុកនោះវាអាចធ្វើឲ្យអារម្មណ៍ធូរ ហើយសម្រួលដល់ការគិតទៀតផង។
៣. បង្កើតទម្លាប់អាន
ការអានមិនចាំបាច់តែអាចសៀវភៅទាក់ទងនឹងការងារខ្លួនទេ ឃើញអ្វីគួរឲ្យចាប់អារម្មណ៍អានទៅ ព្រោះវាធ្វើអោយចលនាខួរក្បាលដើរបានល្អ។
៤. កត់ត្រារាល់ការទទួលជោគជ័យ
ពីមួយថ្ងៃទៅមួយថ្ងៃគ្មាននរណាដែលមិនបានធ្វើអ្វីសោះនោះទេ តិចក្តី ច្រើនក្តី គួរកត់ត្រាទុកដើម្បី រំលឹកមកវិញនូវអ្វីដែលខ្លួនធ្វើបាន ហើយវាអាចជាទឹកចិត្តជំរុញសម្រាប់បន្ទាប់ដែរ។
៥. រ៉ាយរាប់នូវអ្វីដែលត្រូវធ្វើសម្រាប់ថ្ងៃបន្ទាប់
វាដូចជាសំបុត្រសម្រាប់រំលឹកថាត្រូវធ្វើនេះ ធ្វើនោះ ព្រោះនៅពេលដែលក្រោកឡើងយើងអាចនឹងភ្លេចនូវអ្វីដែលខ្លួនចង់ធ្វើ ដូច្នេះវាអាចនឹងធ្វើជាអ្នកប្រាប់ទិសដៅថាធ្វើអ្វីមុន ហើយត្រូវសម្រេចអ្វី ។
៦. ចំណាយពេលជាមួយគ្រួសារឬមិត្ត
អ្នកទាំងអស់នេះហើយជាអ្នករំលឹកយើងថា យើងមិនមែនរស់នៅលើភពចម្លែកទេ គឺមានមនុស្សជាច្រើនដែលស្រដៀងនឹងយើង ជួបទុក្ខដូចយើងពិបាក ហើយក៏ជាអ្នកផ្តល់ការស្រលាញ់មកយើង និងជំនឿចិត្តដើម្បីដើរទៅមុខទៀត។
៧. សម្អាតខ្លួន
ការសម្អាតខ្លួនមិនត្រឹមតែជាអ្វីដែលគិតថាត្រូវតែធ្វើទេ ប៉ុន្តែវាទាំងអស់នេះហើយជាអ្វីដែលជួយសម្រួលដល់ការដេក ធ្វើអោយខ្លួនប្រាណធូរស្រាលពីការងារនឿុុយហត់ផ្សេងៗ។
អត្ថបទដោយ ៖ ហ៊ុន កែវលីដត
ប្រភព ៖ lifehack
No comments:
Post a Comment