Saturday, March 4, 2017
ការពិតមិនគួរឱ្យជឿទាំង ១៩ ចំណុចដែលអ្នកមិនធ្លាប់បានដឹងអំពីមនុស្សសរសេរដៃឆ្វេង
១. ពាក្យឆ្វេង (left) បានមកពីមនុស្សសម័យ Anglo-Saxon ក្នុងសតវត្សរ៍ទី ៥ ដោយគេសរសេរ "lyft" មានន័យថាបាក់ ឬខ្សោយ។
២. ភាគច្រើនក្នុងភាសាអង់គ្លេស ការប្រើប្រាស់ដៃឆ្វេង គឺអវិជ្ជមាន។ ឧ. ពាក្យ "left-handed marriage" គឺមានន័យថាមិនរៀបការ។
៣. ក្នុងប្រវត្តិសាស្ត្រ មនុស្សប្រើដៃឆ្វេងទាបបំផុតក្នុងចំណោមជនជាតិភាគតិច ហើយក្នុងសៀវភៅគម្ពីរបង្ហាញថា មនុស្សដៃឆ្វេងតែងជាមនុស្សអវិជ្ជមាន ២៥ ដង ខណៈដែលមនុស្សប្រើដៃស្ដាំមានភាពវិជ្ជមានជាង ១០០ ដង។
៤. អ្នកប្រើដៃឆ្វេងមានទំនោរ ស្លាប់មុនអ្នកប្រើដៃស្ដាំ ១ ទសវត្សរ៍។
៥. ស្ថិតិបង្ហាញថា ប្រសិនបើម្ដាយប្រើដៃឆ្វេង កូនកើតមកមានឱកាសខ្ពស់ណាស់ក្នុងការប្រើដៃឆ្វេងដែរ។
៦. នៅលើពិភពលោកមានអ្នកប្រើដៃឆ្វេងត្រឹមតែ ១០ ភាគរយប៉ុណ្ណោះ។
៧. អ្នកប្រើដៃឆ្វេងមានទំនោរប្រើខួរក្បាលខាងស្ដាំ ខណៈដែលអ្នកប្រើដៃស្ដាំប្រើខួរក្បាលខាងឆ្វេង។
៨. យោងតាមការសិក្សា អ្នកប្រើដៃឆ្វេងមានឱកាសទាបទទួលរងដំបៅពោះវៀន និងរលាកសន្លាក់។
៩. អ្នកប្រើដៃឆ្វេងនៅលើពិភពលោកភាគច្រើនគឺជាស្ត្រី។
១០. អ្នកមិនទាន់ដឹងទេថា មានទិវាអ្នកប្រើដៃឆ្វេងអន្តរជាតិ ប្រារព្ធឡើងនៅថ្ងៃទី ១៣ សីហា។
១១. អ្នកប្រើដៃឆ្វេងមានទំនោរជាអ្នកមានជំនាញទ្វេគុណ។
១២. យោងតាមការសិក្សា អ្នកប្រើដៃឆ្វេងមានហានិភ័យខ្ពស់ក្នុងការកើតរោគវិកលចរិត ឬជំងឺសតិអារម្មណ៍។
១៣. យោងតាមការសិក្សា មនុស្សប្រើដៃឆ្វេងមាន IQ ១៤០ ច្រើនជាងអ្នកប្រើដៃស្ដាំ ហើយអ្នកប្រាជ្ញដូចជា Albert Einstein, Isaac Newton, Charles Darwin, Benjamin Franklin, Aristotle, Leonardo Da Vinci និង Bill Gates គឺប្រើដៃឆ្វេង។
១៤. យោងតាមការសិក្សារាប់សតវត្សរ៍មកហើយ បង្ហាញថា ភាគច្រើននៃអ្នកប្រើដៃឆ្វេង គឺជានិមិត្តសញ្ញានៃបិសាច វិកលចរិត ជាជនឧក្រិដ្ឋ ។ល។ ប៉ុន្ដែទាក់ទងនឹងការប៉ិនប្រសព្វសម្រាប់ចម្រៀង គំនូរ និងភាពច្នៃប្រឌិតគឺមនុស្សដៃឆ្វេង ជំនាញណាស់។
១៥. អ្នកប្រើដៃឆ្វេងតែងតែគូររូបខាងស្ដាំមុនជានិច្ច។
១៦. បួននាក់ក្នុងចំណោមប្រាំនាក់នៃអ្នកប្រើដៃឆ្វេងគឺជាអ្នករចនា កុំព្យូទ័រ Macintosh ដំបូងរបស់ Apple និង ម្នាក់ក្នុងចំណោមបួននាក់គឺជាអ្នកអវកាសក្នុងបេសកកម្ម Apollo។
១៧. មនុស្សដៃឆ្វេងមានទំនោរភ័យខ្លាចច្រើន និងស្រងាកចិត្ត ហើយមានគំនិតអវិជ្ជមានច្រើន។
១៨. យោងតាមការសិក្សាបង្ហាញថា មនុស្សប្រើដៃឆ្វេងផឹកច្រើនជាង អ្នកប្រើដៃស្ដាំ។
១៩. មានអ្នកនយោបាយល្បីជាច្រើនប្រើដៃឆ្វេងដូចជា ម្ចាស់ក្សត្រិយ៍អេលីសាបិតទី២ ព្រះអង្គម្ចាស់ឆាល ព្រះអង្គម្ចាស់វីលលៀម ប្រធានាធិបតីអាមេរិក Barrack Obama, ប្រធានាធិបតី George H.W. Bush និង Harry Truman។ ហើយជនល្បីផ្សេងទៀតជាតារាហូលីវូដរួមមាន Angelina Jolie, Brad Pitt, Tom Cruise និងច្រើនទៀត៕
Subscribe to:
Post Comments (Atom)
No comments:
Post a Comment